بحـث
 
 

نتائج البحث
 


Rechercher بحث متقدم


ياهـــا . . ذاتـــــــــــا !!.. (مباشر وحصري)

استعرض الموضوع السابق استعرض الموضوع التالي اذهب الى الأسفل

ياهـــا . . ذاتـــــــــــا !!.. (مباشر وحصري)

مُساهمة  proff_khibra في 11/10/2009, 18:20

العـــــــــــام 2050 :



مدخــــــــل :



(منذ تخرجها في أواخر العقد الاول من القرن الحادي والعشرين ، لم تقم الحاجة (شاهندة) بزيارة الى الكلية التي درست بها المرحلة الجامعية (ولا مرة) ، الا انها أصرت ذلك اليوم على الذهاب مع حفيدتها (عوضية) والتي تدرس حاليا بنفس الكلية ، حتى تستعيد بعض من ذكرياتها عن تلك (العقبة) اقصد (الحقبة) . . و . .



في المــــواصلات :



ـ لكن يا (حبوبة) ما بالغتي عديييل كدة ، هسي كان في داعي تجيبينا بالمواصلات ، ونخلي عربيتي واقفة في البيت (ساكت) كده !!.


ـ وانتي بتسمي (جنس) دي مواصلات !! عارفة في زمنا كان بسموها (بصات سياحية) ، وكانوا الناس بيسافروا بيها عااادي !!!


ـ No No Impossible ما تقولي لي كنتو بتسافروا بالحاجات دي !! يعني بس عشان فيها تلفزيونين ومكيف !! عارفة يا (حبوبه) هسي في جامعات كتيرة عملوا فيها مدرجات عديييل كدة ، وبقو الاساتذة والطلبة (بيجوا) للجامعة بي (طياراتهم) . . اما عندنا فعملوا مدرج واااحد و(اكيد ما للطلبة) !!


ـ و ليه يعني بس مدرج واااحد ؟!!


ـ قال شنو . . عشان ما يعملوا (زحمة جو) في المنطقة . . وده كلو من (مطار الطالحة القديم) ده . . عليكي الله في زول (عاقل) بيبني مطار في (نص البلد) كده ؟!!


ـ بالله يا (بتي) ما كويس انها بقت في (نص البلد) !! عارفة على ايامنا كانت بالجد بتمثل (نص البلد) لكن من ناحية (مساحة) بس !! والواحد أكان وقف في سطوح ناس (طب) نظرو بجيب (الشمالية) طوااالي !!..



وفي البوابــــــة :



( وعند توقف البص في آخر محطة ونزول الركاب بمن فيهم عوضية وحبوبتها تفاجأت الاخيرة بشكل البوابة (الحديث) ، فقد اضحت واجهتها (زجاجية) بالكامل ، الا من جهازين (الكترونيين) مثبت احدهما على الباب الزجاجي الكبير في (منتصف) البوابة ، وآخر على الباب الصغير في (اليسار) ، والذي ما أن وصلت اليه عوضية حتى قامت بوضع يدها عليه ليخرج منه ضوء احمر اشبه ما يكون بضوء (الليزر) مر عليها من على رأسها وحتى أخمص قدميها لم (يلبث) بعدها ان يتحول الى اللون الأخضر لينفتح الباب (اوتوماتيكيا) ، مصحوبا بصوت آلي يرحب بالطالبة وبضيفتها، والتي كانت عوضية قد وضعت بياناتها(اي الضيفة) كاملة عليه في اليوم السابق ، حتى لا تضطر لادخالها من (باب الزوار) الذي يقع شرق البوابة الرئيسية بالقرب من مباني (الخارجية) . .



ـ والله بالجد كدة ما شاء الله . . عيني باااردة
انتي متأكده (يابتي) انو دي نفس الكلية اللي انا اتخرجت منها ؟!!


ـ آآآي يا حبوبه . . كدي قولي بسم الله . . ياها ذاتا .. .. ..



ـ بس كنت عايزة اسألك : (المرة) الكانت هنا دي مشت وين ؟!!


ـ ياتو (مرة) يا حبوبه ؟!!


ـ كان في (واحدة) بتقعد هنا ورا الباب ده طوالي . . هو ما الباب ده نفسو لكن الباب بتاعنا (الزمانك)!! . . كانت بتقعد هنا وبتخت ليها (جردل) موية و(علب) مناديل. . وتنزل ليكي (تشخيص) في البنات ، واحدة تقول ليها : انتي عندك (ارتفاع في ضغط المكياج فوق العين) !! . . والتانية تقول ليها: انتي عندك (انخفاض حاد في معدل الـ(ش/ط) ) !!!


ـ وده شنو كمان ياحبوبة ؟!!


ـ ده (مصطلح) كدة بتقال لامن تكون الواحدة مننا منزلة (شعرها) من تحت (طرحتها)!! . . والعجب أكان واحدة جات بي عباية (ضيقة) أو جات (موضة) ساااااي ح تقول ليها: انتي عندك (نقص السماحة المكتسبة) عدييييل ، لكن كيف ؟ ماعارفة!! . . وتحلف ماتخليها (تتقدم) ولا شبر ، تقوم البت كمان تحلف انها ما ترجع (نوهائي) ، و الكان بيحيرني انا (زمانك) ، انهم في النهاية كانوا بيوصلوا لي حل (وسط) بي انو البت تجر ليها كرسي وتقعد (جنبها) في البوابة !! واكيد كانوا ح يشوفوها كمية يتاعت ناس بي (منظرها) ده ، اكتر بي كتير من الناس اللي كانوا ح يلاحظوا ليها لو كانوا ما وصلو لي الحل (الوسط) ده !!..


ـ والله انتو كنتو (كويسين) يا (حبوبة)، الكلام ده (كوووولو) هسي بدلوهو بالجهاز الصغير اللي شفتيهو في الباب ده . . بتتحفظ فيهو (صورة) كل طالبة ومعاها (بصمة) يدها من بداية السنة . . والجهاز ده دقيق بصورة مبالغة ، يعني لو الواحدة مننا نست ليها (دبوس دمعة) ساااي من الكانت (لافة) بيهو طرحتها وكت ما اتصورت ، الباب ده ما بنفتح ليها!! واكتر من كده عارفة انا امبارح دي وكت نزلت بياناتك في البوابة فصلت ليهم نوع ولون التوب (اللابساهو)انتي ده !!


ـ وتعالي هنا يا (بتي) ده شنو العملوهو في (الممر) ده ؟؟ على أيامنا كانت (نافورة)!!


ـ دي (بحيرة صناعية) قالوا اتعملت قبل (تلاتة) سنين ، وجابو مويتها من (البحر الأحمر) وفيها كميات من (الأسماك) و(الشعب المرجانية) و(الحيوانات البحرية) كمثال للـ(تنوع الحيوي) واللي بيرمز لتنوع (الثقافات والعلوم) عندنا . .


ـ وبس ما تقولي لي كمان غيروا (النافورة) التانية (الجوه) ؟!! اصلو انا عندي معاها ذكريات كتيرة very very !!!


ـ غايتو انا ما عارفة زمنكم كان شكلها كيف ، لكن غايتو عندنا نافورة من تلاتة طوابق علي عدد طوابق الكلية ، وبتشتغل الـ24 ساعة ومنظرها (تحفة) !!


ـ والله بالجد كده ما شاء الله . . عيني بااااردة
انتي متأكدة يا (بتي) انو دي نفس الكلية اللي انا اتخرجت منها ؟!


ـ آآآي ياحبوبة . . كدي قولي بسم الله . . ياها ذاتا .. .. ..



( ويرن جوال عوضية معلنا عن وصول رسالة sms وقبل ان تخرجه من حقيبتها لتقرأ محتوى الرسالة . .


ـ ده منو كمان يا بت اللي من (الصباح) برسل ليكي في الرسايل ده اوعك تكوني بـ . .


وتقاطعها عوضية :


ـ لالأ ياحبوبة ما تمشي بي تفكيرك بعيد . . وبعدين لو كنتي قاصدة بي كلامك ده انها تكون مثلا من (الأولاد) اللي بيقروا معانا هنا ديل ، فيمكن انتي اكتر واحدة عارفة انو الموضوع ده انا (حسمتو) من زمان ، وبعدين اصلا الاولاد ديل ما بيقروا معانا هنا (طوالي) ! يعني بيجوا هنا تلاتة ايام بس في الاسبوع !! والليلة اصلا ما يومهم لكن لانو الأيام دي (المعارض) بتاعتهم شغالة !!


ـ سجمي . . ما تقولي لي كمان انو المعارض ذاتا (فصلوها) ؟؟!!!


ـ من زمااان . . وقالوا كمان انو الهدف الاساسي من كدة خلق (روح) للمنافسة الشريفة بين الطلاب والطالبات . . لكن سمعت (تحت تحت كده) انو الهدف منها زيادة (التعارف) بين الطلاب مع بعضهم من ناحية ، وبين الطالبات مع بعضهم (برضو) من ناحية تانية !!


ـ يالله نحنا ما علينا ، طيب (أمال) الرسالة دي جاتك من منو ؟


ـ ده جدول المحاضرات بتاع الليلة من (المركز الاعلامي) بتاع الكلية بعد ما سجلت (الاتندنس) !


ـ و(تندستي) كيفن عاد ، ونحنا الكلية لسه ما وصلناها ؟!!


ـ انتي نسيتي ولا شنو يا حبوبة ؟


ـ ايوااا . . يعني عايزة تقولي انو في البوابة اخدوا منك الحضور وخلاص انتهينا علي كده ؟!!


ـ اكيد طبعن. . (أمال) ح ياخدوهو وين تاني ؟!!


ـ في القاعة اثناء المحاضرة . .


ـ وده كلام برضو ، يعني بدل ما يكون (بالنا) في المحاضرة نقعد (نباري) الحضور والغياب !!


ـ طيب ما ممكن انتي توصلي لحدي الجامعة ، وما تحضري ولا محاضرة وتكوني متندسة ؟!


ـ وكده (الفايدة) من جيتنا شنو ؟ نحنا هنا عشان شنو ؟! مش عشان نتعلم!! ويعدين لو على باقي (المناشط) فكلها متوفرة والحمد لله ، وعندها (وكتها) الكافي وبي زيادة كمان !!


ـ والله بالجد كده ماشاء الله . . عيني بااااردة
انتي متأكدة يا(بتي) انو دي نفس الكلية اللي انا اتخرجت منها ؟!


ـ (اجي) يا حبوبة ؟!! . . كدي قولي بسم الله . . ما قلتا ليكي آآي . . ياها ذاتا.. .. ..



ـ عليكي الله يا (بتي) انا (ريقي) نشف من كتر المشي والنضم معاكي ، أول من ندخل الكلية دي تجيبي لي موية (باردة) وتكون سادة ، انتي عارفة انو انا ممنوعة من العصاير الملونة والمشروبات الغازية دي . .


وتتمتم عوضية :


ـ والله يا (حبوبة) ما عارفة ! . . يمكن تكون لسه ما (جهزت) ، غايتو شايفة (الطيارة) اللي نزلت في المدرج ديييك ، يا دوب ح تكون جات شايلة (التلج) الا تنتظري لحدي ما (يكسروهو) ويعبوهو في الحفاظات . .




( وفي ذات اللحظة كانت (عوضية) والحاجة (شاهندة) قد اجتازتا سور الكلية ، والتي بدت مختلفة (تماما تماما) من حيث جمالها ، وما (آلت) اليه من (تطور عمراني) ملحوظ ، والذي تابعته الحاجة بعينيها (فقط) ، وظل تفكيرها شاردا يردد وبذهول آخر عبارة (تفوهت) بها حفيدتها . .


ـ أها يا (حبوبة) . . بعد ما وصلنا انا عايزة اسألك السؤال اللي سألتيني ليهو اكتر من مرة الليلة . . انتي متأكدة يا (حبوبة) انو دي نفس الـ . . . .



ـ ما تكملي يا (بتي) . . الحمد لله . . طلعت ياها ذاتا . . ياها ذااااااااتا !!!!!




كــــــــــــسرة :


ليس ببعيد عن هذا (الموضوع) وفيما يختص بـ(تسمية الله عز وجل وحمده) في شتى ضروب الحياة تذكرت مقولة لأحد اقاربي (لا ادري ان كانت له او انه نقلها عن شخص آخر) عن الفرق بين الناس في الماضي و الحاضر حتى في هذا الخصوص حيث قال وبدارجية بحتة :
زمانك الواحد كان اذا جابو ليهو الأكل قدامو قبل ما يبدا بيقول : بسم الله ، وبعد ما ينتهي الأكل بيقول: الحمد لله ، وده شي طبيعي (طبعن)! لكن هسي الواحد بقى اذا جابو ليهو الأكل قدامو بيقول: الحمد لله الأكل جا! ، وبعد ما ينتهي الأكل بيقول : بسم الله الأكل ده متين خلص !!!!





جميع الحقوق محفوظة proff_khibra 2009
avatar
proff_khibra

عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 3559
تاريخ التسجيل : 15/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  d.sombola في 11/10/2009, 20:50

هههههههههههههههههههههه
والله ي خبره لا املك الا ان اقول
لا عدمنا تميزك ( الله يحفظك )
وردة وردة وردة وردة وردة

_________________
اللهم اشف عروة بشفائك وعافه من بلائك وداوه بدوائك
avatar
d.sombola
مشرف عـــام
مشرف عـــام

عدد الرسائل : 1009
العمر : 30
الموقع : بيت العز يا بيتنا
رقم الدفعه : 8
نقاط : 4339
تاريخ التسجيل : 08/01/2009

معاينة صفحة البيانات الشخصي للعضو http://www.islamic medicine on line .com

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  ahmed amin في 11/10/2009, 21:43

هاهاي

قويه منك يا بروف lol!

هلا هلا هلا

><L <LK ><L <LK ><L

_________________
اجعل قلبك كالقبر لايدخله سوى واحد ....ولاتجعله كالبئر يشرب منه أكثر من واحد



[center]اللهم اشف عروه واتم له العافيه يا رب العالمين




اللهم أغفر ل موسي عبد الباقي وتقبله شهيدا يا رب العالمين




[/center][/center]
avatar
ahmed amin
مشرف عـــام
مشرف عـــام

عدد الرسائل : 1158
العمر : 29
الموقع : قدام الشاشه
رقم الدفعه : 9
نقاط : 4506
تاريخ التسجيل : 24/11/2008

معاينة صفحة البيانات الشخصي للعضو http://goansport.net

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  Orwa Abdelmonim في 12/10/2009, 00:32

هاهاهاهاهاهاهاها .. كان ما أخاف الكضب أقول قاصد الإسلامية بي كلامك دا .. تسلم يا مبدع ..

_________________
¤ اللهم إرحم السر واغفر له وتغمده بواسع رحمتك مع الصديقين والشهداء وحسن أولئك رفيقا ..
¤‏ اللهم إرحم بروفيسور عاصم فاروق وإغفر له وتغمده بواسع رحمتك مع الصديقين والشهداء وحسن أولئك رفيقا ..
§‏|‏"':.*.:'"| |"':.*.:"'| |"':.*.:"'|§

..¤.:"*.. د. عـــــروتــك ..*":.¤..
avatar
Orwa Abdelmonim
مشرف عـــام
مشرف عـــام

عدد الرسائل : 1430
العمر : 31
الموقع : ولاية نهر النيل.. الدامر..
رقم الدفعه : seventh
نقاط : 5054
تاريخ التسجيل : 12/10/2008

معاينة صفحة البيانات الشخصي للعضو http://www.ma3arif.ba7r.org

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  proff_khibra في 15/10/2009, 15:07

انــا قلتا كده يا عروة !!
استقفر الله العظيم ، من غال لك هذا ؟!
غضب غضب غضب غضب غضب
ومشكورين انتو التلاتة ع المرور
هلا هلا وردة هلا هلا
avatar
proff_khibra

عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 3559
تاريخ التسجيل : 15/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  bob في 18/10/2009, 02:17

الكبت يولد الانفجار والحاجة ام الاختراع ( نفسي اعرف ابوهو منو؟)
يا خبرة ...!!!!!!!!!!!!!!!!


يا ها زااااااااااااااااااااااااااااااااتااااااااااااااااااااااا

شوكة حوت لا بتنبلع لا بتفوت
ولسان حالنا بيقول :
لا بريدك .... لا بحمل ب..؟؟؟؟؟؟

_________________




avatar
bob
مشرف عـــام
مشرف عـــام

عدد الرسائل : 671
العمر : 30
الموقع : wad-madani
رقم الدفعه : 9
نقاط : 3733
تاريخ التسجيل : 22/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  ranya في 18/10/2009, 18:40

والله ابدعت يا بروف يديك العافية......... وقالو قديمك نديمك lol! <LK جزاك الله
avatar
ranya

عدد الرسائل : 52
العمر : 27
الموقع : any where
رقم الدفعه : 12
نقاط : 3160
تاريخ التسجيل : 01/09/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  hassan mahjoub في 19/10/2009, 00:47

ابدااااااااااع يا بروف
لو كان في اوسمة في المنتدى . كان تستحق
( وسام التميز ) ... في انتظار المزيد

مع محبتي

_________________






يارَبْ إذا أسَأت إلى الناس فَاعْطِنى شجَاعَة الإعتذار

وإذا أسَاء لىَّ النَّاس فاعْطِنْى شجَاعَة العَفْوَ

avatar
hassan mahjoub
مشرف عـــام
مشرف عـــام

عدد الرسائل : 375
العمر : 27
الموقع : هنااااااااااااك
رقم الدفعه : 12
نقاط : 3609
تاريخ التسجيل : 20/11/2008

معاينة صفحة البيانات الشخصي للعضو http://oiupharmacy12.ibda3.org

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  diaa sabawy في 22/10/2009, 03:07

والله ياخبرة انت مبدع عديييييييييييييييييل كدا ,الله يديك الفي مرادك.
avatar
diaa sabawy

عدد الرسائل : 94
العمر : 29
رقم الدفعه : 11
نقاط : 3465
تاريخ التسجيل : 28/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  proff_khibra في 23/10/2009, 15:46

آآآآآآآآآآآآمين يا ساباوي ..
ومشكور يا حسن ده من ذوقك بس ..
وانتي كمان رانيا وأكيد (كلنا لآدم وآدم خلق من تراب ) ..
ويا بوب ما دام الحاجة أمو فأكيد أبوهو ح يكون (الحاج)
هسي دي اجابة دي !! ..
وبالنسبة لي باقي كلامك ، عفوا هذا الرقم لا يمكن الوصول اليه حاليا الرجاء تعمل رايح علي كدة و.... بس ؟!!
avatar
proff_khibra

عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 3559
تاريخ التسجيل : 15/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  dr.mohannad في 14/11/2009, 00:12

سلامات يا بروف ...
عجيب عجيب والله .. الله يدي سرحاتك العافية <LK ><L <LK ><L
avatar
dr.mohannad

عدد الرسائل : 8
رقم الدفعه : 11
نقاط : 3012
تاريخ التسجيل : 13/11/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  murmar في 14/11/2009, 07:17

تسلم يامبدع على السيناريو الجميل .
avatar
murmar

عدد الرسائل : 85
العمر : 31
الموقع : من عروس البحر الأحمر
رقم الدفعه : الثامنة
نقاط : 3136
تاريخ التسجيل : 30/09/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  نادر جسوووووووور في 27/11/2009, 19:25

مباااااااااااااااالغة يا ولد انت بتجيب الكلام ده من وين وبعدين ده شنو الخيااااال الوااااسع ده ............انا ياداب اتاكدت

نادر جسوووووووور

عدد الرسائل : 107
رقم الدفعه : 8
نقاط : 3251
تاريخ التسجيل : 22/07/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  بت صيدلة في 27/11/2009, 21:18

ابدااااااااااااااااااااااااااااع مافي اي كلام




تعييييييش وتبدع
avatar
بت صيدلة

عدد الرسائل : 475
العمر : 29
رقم الدفعه : 9
نقاط : 3822
تاريخ التسجيل : 22/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  RNNO في 27/11/2009, 22:48

مباااااااالغه
ابداع اكتر من رائع..
ولو انا في محل الحبوبه حامشي امتحن الشهاده وادخلها تاني هي ذاااااتها هلا زةوكم
avatar
RNNO

عدد الرسائل : 6
رقم الدفعه : 9
نقاط : 2987
تاريخ التسجيل : 26/11/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ياهـــا . . ذاتـــــــــــا !!.. (مباشر وحصري)

مُساهمة  proff_khibra في 7/12/2009, 15:54

dr.mohannad
وردة
وردة
murmar
وردة
وردة
نادر جسوووووووور
وردة
وردة
بت صيدلة
وردة
وردة
RNNO
وردة
وردة

مشكوووووووورين ع المرور ده من ذوقكم بس
ويا نادر انتا اتاكدت من شنو بالضبط كده ؟!!
avatar
proff_khibra

عدد الرسائل : 229
الموقع : البحر الأحمر _ بورتسودان
رقم الدفعه : 11
نقاط : 3559
تاريخ التسجيل : 15/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى