بحـث
 
 

نتائج البحث
 


Rechercher بحث متقدم


يا احلى كديسه في الدنيا

استعرض الموضوع السابق استعرض الموضوع التالي اذهب الى الأسفل

يا احلى كديسه في الدنيا

مُساهمة  diaa sabawy في 2/12/2009, 22:46

قلت المرة دي اغير ليكم من الشعر العاطفي والشعر الجاد(شوفتو الجاد دي كيف)الي الشعر الحلمنتيشي ,ودي عبارة عن قولة خير وعشان بعدين مافي زول يجي ينط لي في حلقي ..من هسه الحاجات دي حتكون منقوله من النت او من دفاترنا القديمه Laughing Laughing

دي حكاية واحد مدشدش دشديشة اخونا بروف خبرة بعيد عنكم وتعالو نشوف السجمنه علي اصولها


قالت ليهو : ما لك بتاكل السندويتش حفار حفار
انت فار؟؟
قال ليها :بقيت مجنون بقيت محتار بعد ما زول طويل عريض انا فار؟؟؟؟
يا احلى كديسه في الدنيا
عليك ربك تبلعيني
وماتفضلي شي..وكان ده حصل بكون يا بُرّه اسعد فار
وانطط جوه في بطنك وانغص فيها للاسرار
واقيف اتـأمل الكبده والطوحال..تقول رادار
واخزن جوه في المعده
وافتش لي لكسره ما القى
واقبل جاي ده همبرغر
وكمان بي جاي جلي وكاستر
وكمان بهناك عصير مانجا..
وكمان اصفــــــــــــــــــــــــــر
مصارينها مستّفه بي عسل سكر
مش زي مصارين السماني ملفلفه زي حبال بمبر..
واطير ليك فو وفي الفشفاش اتحكر
وانط طوالي جنب قلبك واشوف الدم هداك احمـــــــــــر..
ابحلق جوه في بطنك اعاين القى صورتي انا..؟؟صورة الفار!!
اها يا عالم ده ما سبب البلع زاتو
اقول يا بره خارجيني..تقول لي نياو
عليك ربك تخارجيني..تقول لي نياو
بحبك ياخي خارجيني..تقول لي نياو
وتتوكل تتطلعني من اجمل فيلا واحلى سجن
يمين من جوه فيها بطن...مفرهده زي زهور الفل
بتعمل نكهة النعناع مطعمه بي طعم ليبتون
وفيها نسيم يجيك بــــــــــــــارد ..مكندشه بس تقول هيلتون
ده من جوه..
ومن بره
تحلف بس تقول يازول واحد شل ليهو حبل وربطه وفي القمر جره
ولما تجي وهناك تقعد
تقوم من تاني تنفره
واشوف الخاشي ماشي بره
واحس بي قلبي فرّ فرّ
سجنتيني وجاري وراك مابنساك وما بتخلّى
حتى لو الزمن عاند
حتى لو السهم جلّى
بموت فيك موت ياسكرانه يابت القرد

diaa sabawy

عدد الرسائل : 94
العمر : 28
رقم الدفعه : 11
نقاط : 3097
تاريخ التسجيل : 28/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: يا احلى كديسه في الدنيا

مُساهمة  Orwa Abdelmonim في 3/12/2009, 00:32

حلوة شديد .. مشكووووور .. طبعا أكتر شي بتعبني الشعر الفيهو أكتر من قافية واحدة ببقي مامركز معاهو .. وكمان لمن يبقي شعر حر بدون قافية معينة حكايتي بتخرب تب ..

_________________
¤ اللهم إرحم السر واغفر له وتغمده بواسع رحمتك مع الصديقين والشهداء وحسن أولئك رفيقا ..
¤‏ اللهم إرحم بروفيسور عاصم فاروق وإغفر له وتغمده بواسع رحمتك مع الصديقين والشهداء وحسن أولئك رفيقا ..
§‏|‏"':.*.:'"| |"':.*.:"'| |"':.*.:"'|§

..¤.:"*.. د. عـــــروتــك ..*":.¤..

Orwa Abdelmonim
مشرف عـــام
مشرف عـــام

عدد الرسائل : 1430
العمر : 30
الموقع : ولاية نهر النيل.. الدامر..
رقم الدفعه : seventh
نقاط : 4686
تاريخ التسجيل : 12/10/2008

معاينة صفحة البيانات الشخصي للعضو http://www.ma3arif.ba7r.org

الرجوع الى أعلى الصفحة اذهب الى الأسفل

رد: يا احلى كديسه في الدنيا

مُساهمة  بت صيدلة في 3/12/2009, 00:52

ههههههههههههههههه

القصيدة حللللللللللللوة وفكرتها احلي

مشكوووووووووووور

بت صيدلة

عدد الرسائل : 475
العمر : 28
رقم الدفعه : 9
نقاط : 3454
تاريخ التسجيل : 22/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى