بحـث
 
 

نتائج البحث
 


Rechercher بحث متقدم


أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

اذهب الى الأسفل

أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  ahmed amin في 19/12/2008, 22:56

ليس هذا هو الهلال الذي نعرفه :x
سادتي ماذا اصاب الهلال؟ هل عين(حمراء) ام انها عيون اهل افريقيا بعد ان ذاع صيت الهلال في الاعوام الاخيره خصوصا في الموسم قبل الماضي عندما جندل الهلال أقوي واعتي عمالقه افريقيا including الاهلي والزمالك المصريين مرورا بأسيك العاجي وحتي النجم الساحلي علي سبيل المثال وليس الحصر والقائمه تطول (والمقبره خير شاهد يا عبد الواحد) (شفت أخوك بقي يتجدع كيف بالانقليش يا تيتو)
عشنا خلال ذلك الموسم والأربعه مواسم ألتي سبقته أجمل اللحظات وتغنينا بها بأحلي النغمات(هارمونيكا) وتركنا للاخرين أستعمال نغمات ال3310(بتاعت كاس السودان) مع العلم ان ارسالهم ظل قاطعا لمدة الخمس أعوام.
هكذا كنا نتغني الهلال سيد البلد... الهلال زعيم أفريقيا... الهلال ثالث افضل فريق افريقي... الهلال ثاني اقوي فريق عربي... الهلال حامل اقوي بطوله سودانيه خمسه مواسم علي التوالي رقم يصعب ان لم يكن من المستحيل حتي مجرد الاقتراب منه... الهلال... الهلال... الهلال... والاخرون يمارسون احلي انواع الصمت.
بس شكلنا كدة يا تيتو برانا سحرنا حبيبنا وطقيناهو عين فنحن نتغزل ونسينا موضوع العين ده ! كان مفترض نعمل ذي حبوبه عندما تقبل أحفادها فتقول (يا واحد الله محمدا رسول الله)(ده طبعا عندنا هناك في البلد ماعارف عندكم الحبوبات كيف)

بدايه الاحزان:
بدايه الاحزان كانت بنهايه الموسم قبل الماضي بوداع الهلال للبطوله الافريقيه وان كان ودع وهو مرفوع الرأس من الدور قبل النهائي بفارق الاهداف من النجم الساحلي وبدايه المسلسل الحزين بوداع البطوله العربيه علي يد فريق مغمور المجد السوري دون التطرق للاسباب التي ادت الي ذالك الخروج المزل.
توالت الحلقات الحزينه بمغادرة افضل محترف مر في تاريخ الهلال بأخطاء اداريه في قمة الساذجة وهذا ان دل علي شئ انما يدل علي ان الامور في الهلال تدار بمنظراتيه لا علاقة لهم بأمور العقليه الرياضيه الاحترافيه.
استمرت الحلقات الهزيله باستجلاب محترف ليس له اي علاقه بكرة القدم محترف لا يشبه الهلال ولا يشبه حتي لاعبي كرة القدم محترف ليس في قامة الهلال اتحدث طبعا عن جضوماني افياني الحفياني.
طبعا لن ننكر له احراز هدفين او ثلالثه اهداف حاسمه في بعض المباريات ولكن هل هذا هو السبب الوحيد لاستجلاب المحترفين وهل هذا كافيا لان يبقي في كشوفات الهلال؟؟؟؟؟؟
البعض يري ان هدف حفياني في المريخ يشفع له بالبقاء!!!
هو عليكم الله هسي المريخ ده داير ليه محترفين عشان نغلبو؟؟؟؟
(ياخي أنا متأكد لو لعبو هبك و تيتو ديل في كورة القمة كان جابو قون قونين ايزي يعني)
ماقبل كده غلبناه تلالات بدون محترفين حد يقدر ينكر...؟
اذدادت الاحزان بفقدان الكاس الغالي كاس الممتاز وان كان ذلك بفعل فاعل (ناس الفاشل أبو ضنب) واعوانه ولكن السبب الاساسي هو الجرح الذي سبب الضعف للهلال في الفتره الأخيره وليس لقوة المريخاب كما يتوهمون وجرح الهلال سببه مجلس ادارته الموقر الذي يجب علاجه باسرع الفرص وذلك بالتخلص من مجلس المجاملات هذا الذي لا يصلح لادارة فريق روابط بالدرجه( التلطاشر) لسطحيه فكره.
خمسه اعوام نسي خلالها جمهور المريخ شكل كاس الدوري الممتاز وقائدهم فيصل العجب لم يتشرف بمعرفه ملمس كاس الدوري الممتاز الا في هذا العام بعد القيام بعمليه الاتصال بصديق (الاتحاد العام) الذي قام بدوره بعمليه التصال بلجنه التحكيم التي ما توانت عن استجابه الاتصال وقامت بالدور المطلوب منها باكمل وجه ابتداءا من مباراة الاتحاد والهلال مرورا بمباراة المريخ والامل وما ادراك ما تسجيل الاهداف باليد والختام بمباراة الهلال والمريخ.
تستمر الحلقات (البايخه) بخسارة كاس السودان وان كان ذالك عن طريق ركلات الحظ الترجيحيه وولدنا أكرم عجرم.
الهلال خسر مدربه ريكاردو ولا تعليق .......
الهلال يستجلب مدربا ظل عاطلا عن العمل طيلة العامين الماضيين ولا تعليق...
الشئ الوحيد الذي كنا نتمسك به هو حقيقه ان الهلال طيلة الستة السنوات الماضيه لم يخسر بأرضه في اي منافسه رسميه لاكثر من (100 وحاجه كده) مباراة ربما يكون دخل موسوعة جينيس للارقام القياسيه (ولا شنو يا مهدي؟) ولكن أكثر ما آلمني ماحدث ليلة البارحه عندما خسر الهلال علي ارضه ووسط جمهوره من وفاق سطيف الجزائري بهدفين لهدف أهداه له الحكم السعودي باحتساب الزمن بدل الضائع 6 دقائق بدل ال 3 دقائق المعلنه واحتساب ركله جزاء من خيالات أفكاره...!
صراحه اللاعبين الذين شاهدتهم يرتدون شعار الهلال لم يكونو يشبهو الهلال في شئ بل كانو محض خيالات تركض بلا اي هدف واضح.
للأمانه النتيجه العادله لهذه المباراة هي خسارة الهلال بأكثر من أربعه أهداف للاشئ.

فليذهب صلاح ادريس وهيثم مصطفي وكل متخاذل الي مزبله التاريخ:


الأرباب الآمر الناهي في مجلس الهلال لا علاقة له بامور الادارة (السان ده قايل الهلال ده بتاع ابوه) وباقي المجلس عباره عن امعات لا رأي لهم ولا حيلة لهم الا السمع والطاعه...!
الارباب جلب الخراب للهلال وفرط في افضل المحترفين قودوين ومن بعده كلتشي... اه يا كلتشي و 60 اه.
كلتشي مهاجم في تقديري من أكفأ مهاجمي افريقيا وان كان البعض يري ان انخفاض مستواه لا يؤهله للعب في الهلال اقول لهؤلاء(هسي عليكم الله كلتشي ولا افياني) كلتشي خطير خطير ومع وارغو وايداهو حيعمل شغل (فظيييييييييييييييييييييييييييييييييييييييييييييييييييييييع)
والله يستر الموسم الجاي يا تيتو.
عزيزنا البرنس موهبه ما انجبت الملاعب السودانيه مثلها وهذا بشهادة المريخاب قبل الهلالاب ولكن انخفض مستوي البرنس في الفتره الاخيره كثيرا وصار منظراتيا اكثر من اللازم. أليس هو من تسبب في تعجيل رحيل المدرب السابق ريكاردو المدرب الذي شهد الهلال في عهده أقوي الانتصارات وكان من المفترض ان يمنح فرصه أخري بدلا عن تلك الهجمات الكثيفه التي تعرض لها من الاعلام وبعض الجماهير ومضايقات عزيزنا البرنس...!
يا هيثم يا حبه ان لم يتبق لك شئ تقدمه للهلال فلتذهب دون رجعه مع العلم اننا لن ننكر لك ما قدمته للهلال وان كان في موهبتك بقيه فنرجو منك تركيزها داخل الملعب وليس خارجه.
لاعبون استنفدو كلما عندهم ويجب شطبهم:
أولهم عمو ريتشارد,الأحوص المتدلع كرنقو, المرق المشقوق, حاج علاء الدين جبريل, وعمنا جوليت, والماسوره المضروبه افياني الحفياني.
هذا رأيي الشخصي ان لم يكن هنالك مجاملات في الشطب.
لابد من ثوره تغيريه ليعود الهلال من جديد الي مصاف الانديه العالميه بعبعا مخيفا لكل الانديه الافريقيه كما كان وليصمت من بدؤا بالحديث بعد أن أخرصهم لخمس سنوات متعاقبة (5 سنين ما بتحملهم حره) لكن يا تيتو الموسم الجاي الله يستر.

تذكرت اغنية المريخ هيبه يالمريخ هيبه يالنجمة فضحكت............... عارفين بتقول شنو؟؟؟؟؟
(هيبه يالمريخ هيبه يالنجمة
قون وسط ودفاع والهجوم أبداع)
القون: أكرم ولدنا
الوسط:مجاهد ولدنا
الهجوم:طمبل وكلتشي أولادنا
ولا تعليق......................
واحد هلالابي زعلان شدييييييييييد وموجوع شدييييييييييييييييييييييييييييييييييييييييييييييييييد Evil or Very Mad Evil or Very Mad


عدل سابقا من قبل ahmed amin في 19/12/2008, 23:27 عدل 1 مرات

_________________
اجعل قلبك كالقبر لايدخله سوى واحد ....ولاتجعله كالبئر يشرب منه أكثر من واحد



[center]اللهم اشف عروه واتم له العافيه يا رب العالمين




اللهم أغفر ل موسي عبد الباقي وتقبله شهيدا يا رب العالمين




[/center][/center]
avatar
ahmed amin
مشرف عـــام
مشرف عـــام

عدد الرسائل : 1158
العمر : 30
الموقع : قدام الشاشه
رقم الدفعه : 9
نقاط : 4652
تاريخ التسجيل : 24/11/2008

معاينة صفحة البيانات الشخصي للعضو http://goansport.net

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  zienah في 19/12/2008, 23:10

لا هلال ولا مريخ دي شغلة فاضية بس ⭐ Sleep Sleep Sleep
avatar
zienah

عدد الرسائل : 99
رقم الدفعه : 9
نقاط : 3481
تاريخ التسجيل : 09/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  Dr. Areeg magzoub في 19/12/2008, 23:31

والله الهلال سحروه لكن يا جماعه الفريق التنفيذى للعيبة قالو العيب فيهو ما من اللعيبه والروح الرياضية ما ننساها
الهلال سيد البلد وحيظل سيد البلد .................................

🇳🇴 🇳🇴 🇳🇴 🇳🇴 🇳🇴 🇳🇴 🇳🇴 🇳🇴 🇳🇴
avatar
Dr. Areeg magzoub
الادارة
الادارة

عدد الرسائل : 858
العمر : 32
الموقع : جامعه امدرمان الاسلامية
رقم الدفعه : الدفعة العاشرة
نقاط : 4604
تاريخ التسجيل : 19/11/2008

معاينة صفحة البيانات الشخصي للعضو http://www.google.com

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  ahmed amin في 19/12/2008, 23:36

علي الأقل أحسن من ونسة الأبواب يا زينه 👅

_________________
اجعل قلبك كالقبر لايدخله سوى واحد ....ولاتجعله كالبئر يشرب منه أكثر من واحد



[center]اللهم اشف عروه واتم له العافيه يا رب العالمين




اللهم أغفر ل موسي عبد الباقي وتقبله شهيدا يا رب العالمين




[/center][/center]
avatar
ahmed amin
مشرف عـــام
مشرف عـــام

عدد الرسائل : 1158
العمر : 30
الموقع : قدام الشاشه
رقم الدفعه : 9
نقاط : 4652
تاريخ التسجيل : 24/11/2008

معاينة صفحة البيانات الشخصي للعضو http://goansport.net

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  zienah في 20/12/2008, 03:13

القال ليك منو احسن من الونسة الابواب الا لو كنتا مجربا :P Evil or Very Mad
وانا اصلا مابتكلم عن الكورة لكن عن التعصب وحركات
الاولاد بعد الكورة زالمشاكل والمشاغلات البتحصل دي :suspect:
avatar
zienah

عدد الرسائل : 99
رقم الدفعه : 9
نقاط : 3481
تاريخ التسجيل : 09/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  wadnouri في 20/12/2008, 04:34

اولا أحييك علي غيرتك علي فريقك لكن بس ماعجبني التشاؤم بتاعك ده ياخي انشاء الله حاتتعدل.
ثانيا وين كنت يوم كورة السودان مع تنزانيا ولا الهزيمه ديك مابتهمك كتير,عيب عليك يادكتور
انا شخصيا جاني صداع بسبب الكوره ديك اتخيل تخلي اي حاجه وتقعد تتفرج علي الكوره وتلقي العجب عايز يجرب ليه حركه شافه في الدوري الاسباني, وهيثم مصطفي قدانا قد (بالثرو) بتاعو ده ومهند الطاهر ماعارف كراعو اليمين من الشمال, اما المعز(بدون تعليق) والباقين حدث ولاحرج الكوره لافي الراس(المفترض انو راس) ولافي الكراع(المفترض انها كراع).
اما بالنسبه للهزيمه فدي حاجه عاديه يعني الهلال ده ماحيواصل كده للابد فوز علي طول لانو( لو دامت لغيرك ما آلت لك) ولا شنو يادكتور؟؟
وبعدين اللعيبه ديل ماقصة لياقه واعداد ابدا ديل شماسه ساكت وعاملين فيها مقطعينها وحافظنها حفظ وهم ...... من سبحان الله ماعرفينها.
انا في رأي انو تشوف ليك حاجه تشغل بيها نفسك أخير لك من وجع القلب ده.
معليش بريتكم لكن اعمل شنو ((ممغوس))
اتمني ليك التوفيق في حياتك ومشكور
قبل ما انسي ( اكرم عجرم) ريحتني شدييييييييييييييييييييييييييييد( LG بس)
تحياتي لك
avatar
wadnouri

عدد الرسائل : 16
رقم الدفعه : 5
نقاط : 3483
تاريخ التسجيل : 04/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  babiker في 20/12/2008, 17:52

وبالنسبة للدفاع ما عندكم فيهو ولد .......
وطبعا دي سنة الحياة إنو الزول بكون ولد في الروضة وبيكبر لحدي ما يدخل الجامعة . ولا كيف؟ :king: santa
avatar
babiker

عدد الرسائل : 17
رقم الدفعه : حداشر
نقاط : 3471
تاريخ التسجيل : 18/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أي عين أصابتك يا حبيب البلد؟؟؟؟؟؟؟؟؟؟؟؟؟؟؟؟؟؟

مُساهمة  mahdi abdalazim في 20/12/2008, 18:35

سلام شباب
الواحد مابزعل عشان تيمو اصلا كعب ولكن كان بالامكان افضل مما كان
كيف ؟ ده السؤال المهم
لما يتدخل صلاح ادريس ويطاوع عناد لاعب طلب المال (المعز فى نصف نهائى ابطال افريقيا) ويمنع المدرب من اشراكو وكلنا بنتذكر الحصل بعداك
انا لو لاقيتو حااسئلو انت دفعت كم للمحترفين عشان تشيل ابطال افريقيا (جات على قروش المعز ) بعدين انت رفضتو وقت الحوجة ليه رجعتو العب تانى ؟
بعدين كم يساوى المال قصاد دورى ابطال افريقيا لاول مره فى التاريخ ؟
وين الفهم الكروى والحكمة فى التصرف لما تكتشف انو المريخ بيستهدف لعيبتك المميزين بدايةً بقودوين لما جاب نادى عجمان عشان اخزنو فيهو ولحدى كلتشى لما رمو الطعم لصلاح ادريس بكلام الرشوة ... على الاقل لو عندو مبدأ زى ماعمل فيها عنتر مع المعز احرم المريخ من كلتشى حتى لو اضطراقعدو احتياطى الموسم الجاى
صلاح ادريس صلاح ادريس صلاح ادريس صلاح ادريس صلاح ادريس صلاح ادريس صلاح ادريس صلاح ادريس صلاح ادريس صلاح ادريس صلاح ادريس صلاح ادريس
دى مشكلة الهلال الكبرى وبعديها عندنا حاجة اسمها تخاذل اللعيبة وانعدام العقلية الاحترافية (امكن لعيبتنا اكونو ماسمعو بيها) وعدم المسئولية الكان طرنا بسسبها من دورى الابطال السنة دى

مابننكر الالقاب الحصدناها فى عهد صلاح ادريس لكن هو فاشل لانو فقدنا الالقاب الاغلى والافضل وبدير التيم من منطلق الكرامة الشخصية فوق اعتبار مصلحة التيم وكل الصراعات والتدخلات العملا كانت لرد اعتبار شخصو اولا

وده المزعلنى صراحة اكتر من الغلب بتاع المريخ وربنا مبتلينى برضو فى الميلان بانشلوتى .


عدل سابقا من قبل mahdi abdalazim في 31/1/2009, 16:57 عدل 1 مرات

_________________
ROSSONERI 4 EVER

avatar
mahdi abdalazim
مشرف عـــام
مشرف عـــام

عدد الرسائل : 776
الموقع : didialhaj@hotmail.com
رقم الدفعه : 5
نقاط : 3874
تاريخ التسجيل : 16/11/2008

معاينة صفحة البيانات الشخصي للعضو http://www.tvquran.com

الرجوع الى أعلى الصفحة اذهب الى الأسفل

لا تظلموا هذا الرجل!!

مُساهمة  T2 و ت2 في 25/12/2008, 17:10

الهلال كبير .. ده سيد البلد ..
الهزيمة ليست نهاية المطاف .. هذا حال المستديرة يوم ليك ويوم عليك!! لكن في المقبرة!! حاااااارة والله.. Sad Sad Sad لم يقدرّ هؤلاء اللاعبين قيمة الهلال اللعب بإستهتار .. عدم الجدية.. عدم الغيرة علي الشعار .. الغياب باسباب وهمبة!! "قال عريس قال"... الهزيمة شئ طبيعي في كرة القدم لكن بالطريقة ده عيب عيب عيب.. :x :x :x مبأراة كان بطلها المواسير.. إفياني ؟؟؟؟ "الله قادر"
عموما الفات مات وقبلنا الوصيفاب بالاربعة"هو كواسي بلازا عملها... لمن الحاج عيسي!!"
الرجل أبو صلاح يخب الهلال حتي النخاع وقد قدم الكثير فيجب الا نظلمه حتي هؤلاء المحترفين فودوين .. كليتشي.. يوسف.. داريو.. جابهم كلهم شخصياً... هؤلاء النجوم لم يصنعوا الهلال إنما الهلال هو من صنعهم... فليذهبوا............
أنت يا احمودي مدام بتعرف تقول كلام ذي ده المقعدك معانا شنو؟؟
انا شايفك وووويييييييييييييييييييييييننننننننننننننننننننن؟؟
إرفع رأسك أنت هلالاي...
واحد دمو أزرق.....
ونلتقي...
avatar
T2 و ت2

عدد الرسائل : 399
رقم الدفعه : 9
نقاط : 3616
تاريخ التسجيل : 28/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى