اجمل ابيات الشعر الشايقي

الشاعر عبد الجليل فتح الرحمن

يلا معاي نرسم شوقك لوحة ريد لي أجمل ريدة
يلا معاي نرسم ريدك مسدار حب لي أحلى قصيدة
يلا معايا..
غيرك ما متخيل روحي في يوم تفرح وتبقى سعيدة
وما اتصورت الدنيا بدونك رغم خيالي وإنو بعيدة
وما بتألم لي أقداري وللأقسام ال الله بريدا
بس في روحي وروحي فداكي ما بستغرب تبقى وحيدة

2

تراب بلدي...
أشيل منُّو..
أشم وارتاح..
أشم طيبةَ أهلي..

3
اكتبنى ياكاتب القدر
اكتبنى والمحفوظ شهود
اكتبنى انى عشقتها
قبال نرأ النور والوجود
قبل الزمان وقبل المكان
وقبال يكون للريد وجود
ودابنعوف
4
ما حبيتك أنا بالصدفة وما اتلاقينا بلا ميعاد

اتلاقينا صباح الدنيا وشلتك منية واتجنستك بالميلاد..

خالد الباشا


5
مهما اشقى اضوق المره للاهوال اقابل
أبدا ياكتاب حبي المقدس عندي ما يقراك جاهل

إبراهيم إبنعوف،،،

انا يوم اتوسلتا قدامو وركع
قال لي موت بالريده علك ما نفع
انا ماخايف موتي بي موتي إقتنع
انا خوفي كلو عليهو يوم في حب يقع
فجأه يلقى قليبو لي غيرو إتقلع
ويلقى نفسو يقاسي في الليل الهجع

إبراهيم إبنعوف

كلام مُعبر
التحية لشُعراءنا الكِرام
وليــــــــــــــك برضو يا هبك

صراحه رووعه

تسلمو شباب