انت الوحيــــــــد . . . والمستحيل

انت الوحيد .... و المستحيل
انت الوحيد جوه القليب ممنوع دخولك
انت الوحيد دون الخلق رافض وصولك
انت الوحيد
عمري الوراك...
وقلبي النساك....
نظري الجفاك....
رافض رجوعك . . . !!!

عمري كلو هديتو ليك
دمعي المطر سكبتو فيك
روحي الكانت بتحتويك
تحفا .. تحبا .. عشان تجيك
تطلب رضاك وتصتفيك
تحرق سنينا تضوي ليك
الليلة قالت لا لا
الا انت انت منو
انت الوحيد ...
والمستحيل اغفر ليك

زمان كان ...
ويحليل زمان
زمان لما مديت ليك الريده
وسيرتك بقت لغتي الوحيده
طلتك لي ايامي عيدا
وجنتك حلوه وفريده
بسمتك دنيا .. وعالم .. لأ
بسمتك عوالم جديده
سكتي بقت سكتك
وسكتك رسمتها سكتي
وسكتنا بقت زاهية وسعيده
وقتلتي انتي البينا كلو
والفرحة راحت
والضحكة ماتت
والبسمة ماتت
والخطوة البينا بقت بعيدة
واللقيا بكت
والمشاوير اضحت عنيده
وبقيت انت الوحيد ...
والمستحيل
وانا بعترف . . .
انك وحيد
دخل قلبي وخدعو اتملكو
وبالغش والكذب انهكو
وفي الاخر رحل بعدما فككو
وبرضو بعترف
مستحيل دونك اكون
ومستحيل معاك اكون
ولو عرفت معنى السكون
كان عرفت سر الشجون
وكان رضيت معاي تكون
اتنفس نسيمك وهواك
واشرب من ريدك ووفاك
واتغذى بالوريد من صفاك
وامسح من التاريخ والكتب
كلو القال حب يوم وانكتب
من عهد قيس والعبسي
لآخر العشاق هنا
وكلو من قال عشق كذب
ليه كذب؟؟
لأنو في اخر كلام
ما وضح الهوى والهيام
ما شرح انو الحب كلام
ما ورى انو من فكر يحب
باع دنيتو وقال السلام
وحتفضل برضو ....
انت الوحيد
الشلتو من ذكراي خلاص
ومسحتو بدموع الألم
والكل يوم بعد هواك
يصبح ندم .. ويمسي دم
ورجوعي انساه اكيد
ولا حتى في اخر حلم
وبقولا في اخر كلم
من ساب الريد
وشاف طريقو
وبارى القلم
عرف خلاصو وسلم
وفي اخر كلامي حاعيدا ليك
وبقولا ليك
انت الوحيد
والمستحيل ..........